中环美利大厦 1974 — 政府部门请高僧做法事 呢单系入咗册嘅

呢单同坊间啲作故唔同，系真係有记录嘅。美利大厦1969年落成，中环嗰头政府总部，当年最高嘅政府楼。但佢脚下嗰段历史唔简单——前身美利楼1846年起，日治时期做过日本宪兵部办事处兼刑场，话有记载嘅行刑超过四千人。 由六十年代初座大厦就传闹鬼，七十年代更劲，有职员话见『无头鬼』。1974年最经典：职员成日夜晚听到打字机声，有朝起身发现成层啲打字机一夜之间全部俾人搬咗落地下排好，仲有外籍官员见鬼当场吓晕。 后来政府顶唔顺，正式请高僧入嚟做佛教超度法事净化怨气。一个政府部门公然搞驱鬼，喺香港真係罕见到冇朋友。信唔信鬼另讲，单嘢系政府自己请人做嘅，呢点就好难当佢系流言。