北角七姊妹道 点解叫七姊妹？同泳棚浸死人有关

𠵱家北角七姊妹道一带摩天大厦林立，边度估到以前系个海边村。传说村入面有七个金兰姊妹，感情好到形影不离。三妹俾阿爸阿妈逼婚，出嫁前一晚七个人攬埋一齐喊，发誓『唔同年同日生，但求同年同日死』，跟住七个人拖住手行落海一齐死咗。 退潮之后村民喺海边发现七嚿礁石由大排到细，话系七姊妹化身，七姊妹个名就咁嚟。后来呢头开咗泳棚，偏偏成日浸死后生靓仔，啲人就话系七姊妹要揾靓仔陪，『鬼掹脚』整死啲男泳客，猛鬼之说就传开。 我细细个听阿婆讲呢个故仔已经听到入晒脑。后来填海，礁石冇晒，连个海都冇埋。我觉得呢个故仔最劲嗰度系——七嚿石系真係有人见过、记载过，唔系凭空作。后生唔信都好，行过七姊妹道嗰阵，你试下谂返个……